Izan Kuotakide!  Diru Laguntza!  Izan Boluntario!  Etxerat Denda

ALBISTEAK
NOTICIAS
NOUVELLES

Suitza eta Alemanian egindako lana ongi baloratu dugu

ETXERAT. Suitza eta Alemaniara abiatu zen Etxerat Elkarteko delegazio bat, alderdi politiko zein giza eskubideen defentsan ari diren elkarteekin elkarrizketatzeko. Espainiar eta frantziar estatuek eskubideen urraketak mantendu nahian baliatzen duten blokeoa gainditzea izan da bidaiaren helburua, eta bereziki, urraketa hoien ondorioak azaldu, alegia, ondorio lazgarrienetako bat, gaixotasun larri eta sendaezinak dituzten euskal preso politikoen egoera.

Urtzi Errazkin Etxerat Elkarteko bozeramailea eta Gentzane Callejo (Jagoba Codo euskal preso politikoaren izeba) Nekane Txapartegi euskal preso politikoa bisitatu zuten Zuricheko espetxean Suitzara heldu eta biharamunean. 11 hilabete darama Nekane Txapartegi preso prebentibo gisa Suitzan.

1999an atxilotu zuten eta torturatu egin zutela salatu zuen. Hala baieztatu berri du Eusko Jaurlaritzak sustatuta Paco Etxeberria auzi medikuaren lantaldeak egindako txostenak. 18/98 auzian zigortu zuten, baina ihes egin zuen, eta Espainiak haren aurkako estradizio eskaera egin dio Suitzari. Nekane Txapartegik asilo politikoa eskatua du Suitzan.

“Indartsu aurkitu dugu Nekane, baina egoera gogorra da pairatzen ari dena” baloratu dute Errazkin eta Callejok bisita bukatzean.

Nekane Txapartegiren egoera eta gaixotasun larri eta sendaezinak dituzten euskal preso politikoetaz mintzatu ziren Suitzako Legebiltzarrean, Balthasar Glättli, Talde Berdeko arduradunarekin etaParti Ouvrier et Populaire (POP) alderdiko ordezkaria den Denis de la Reussillekin. Bernan, Suitzako Alderdi Sozialistaren (PSS) ordezkari batekin ere bildu ziren Etxerareko ordezkariak.

Nekane Txapartegiren kasuan, tratu txarrak eta torturak ikertzeko protokoloa, Istanbuleko Protokoloa alegia, lantzen ari direla baieztatu zuen PSSko ordezkariek.

Torturaren Aurkako Mundu Erakundeko (OMCT) arduradun batekin ere bildu da Etxerat. Erakunde honek Nekane Txapartegi ez Espainiaratzeko eskatu zion Suitzako Gobernuari bere momentuan, hura Espainiako justiziaren esku uzteko galdegiteak jatorria duelako «torturapean egindako deklarazioetan oinarritutako epai batean». Gaixo dauden presoen kasuen jarraipena egiten ari da OMCT eta Ibon Iparragirre preso ondarrutarraren txosten berriak eskatu zizkioten Etxerateko ordezkariei.

Berlinen, Die Linkeko ordezkariekin bildu ondoren, Martxoaren 8ko manifestazioan hartu zuen parte Etxerateko delegaritzak. Alemaniako hiriburuan bi hitzaldi gauzatu ziren gaixo dauden presoak abiapuntutzat hartuta, batetik abokatu eta eragile sozial eta sindikalekin, eta bestetik gune autogestionatu batean, hainbat lagun parte hartu zutela.

Duela bi urte Europako Legebiltzarrean egindako bisitan Etxerat Elkarteak sortutako harremanen jarraipen gisa, Etxerateko delegaritza Bruselara abiatu zen joan zen urtarrilan Europako legebiltzarkideekin elkarrizketak gauzatzera. Inplikatzeko nahi horren ondorioz proposamen eta konpromiso zehatzak gauzatu ziren, besteak beste, orain Suitza eta Alemanian abiatutako bidaia. 

Ildo beretik, agenda lantzen ari gara datorren udaberrian Irlanda eta Inglaterrara, bertako arduradun instituzionalekin, eragile politiko eta sozialekin biltzeko.

bilera.jpg

InprimatuPosta elektronikoa

 

ARABA
Gasteiz
Kutxa kalea 7
Tel. 945 123 238
C.P. 01012   Gasteiz
BIZKAIA
Bilbo
Sarrikoalde, 3 behea
Tel. 690 622 598
C.P. 48015   Bilbo 
GIPUZKOA
Hernani
Perkaiztegi Kalea 11/13
Tel: 943 335 900
C.P. 20120  Hernani 
NAFARROA
Iruñea
Nabarreria kalea 15 2º Ezk
Tel: 948 227 054
C.P. 31001  Iruña 
Asistencia Familiares y Amigos
Estado Español
943 335 900
Estado Francés
943 333 061
Coordinación
943 335 044 

  

Casino sites http://gbetting.co.uk/casino with welcome bonuses.