Izan Kuotakide!  Diru Laguntza!  Izan Boluntario!  Etxerat Denda

ALBISTEAK
NOTICIAS
NOUVELLES

Xabier Ugarte presoaren bikoteak jasandako ezbeharraren harira, urrunketaren desaktibazioa exijitu du Oñatiko udalbatzak

ETXERAT. Xabier Ugarte preso politiko oñatiarraren bikoteak joan zen urtarrilaren 27an 403 kilometrotara dagoen Topaseko espetxean (Salamanca) bisita egin ondoren jasandako istripua dela eta, Oñatiko Udalak aho batez urrunketa politikaren berehalako desaktibazioa eskatu du "senideak kaltetu eta oinaze gehitu batera zigortzen baitituelako", EH Bildu eta EAJren babesarekin.

Etxerat Elkarteak proposatutako erakunde adierazpenean, "dispertsio politika aktibo mantentzen da, eta orain eragin dituen zigorgabetasun berarekin gehitu ditzake biktimak" aipatzen da. Xabier Ugarteren bikotea den Susana Uribetxeberriak izandako ezbeharragatik bere kezka adierazten du Udalak, eta baita aipamen berezia egiten dio 2007ko abenduaren  26an Teruelgo espetxera bidean bizia galdu zuen Natividad Junco oñatiarrari, dispertsio politikak eragin duen biktimari.

Onartutako adierazpenean "urrunketa eta sakabanatze politikak ez du sekula zentzurik izan eta ez dio mesederik egin preso diren pertsonen errote sozialari, senide eta lagunak kaltetu ditu soilik" adierazten da. "ETAren behin betiko etenaren ondoren, bere armagabetzea barne, egoera hau luzatzeak ez du inolako zentzurik. Orain, aldatzeko aukera dugu, oinaze guztiak kontuan hartzeko unea da, pertsona guztien giza eskubideak errespetatzeko eta etorkizun hobeago bat eraikitzeko momentua, dispertsioari amaiera emateko ordua da. Senideen sufrimenduarekin amaitzea beharrezkoa da".

Berangoko Udal Batzarrak "pertsona guztien giza eskubideen errespetua" exijitu du eta bide batez akordio hau  Espainiako gobernuari helaraziko zaio, baita Espetxe Erakundeetako arduradunei.

Oñatiko Udalak dei egiten die oñatiarrei Otsailak 2, ostirala, arratsaldeko 19.30ean Oñatin egingo den giza katean parte hartzera.

InprimatuPosta elektronikoa

 

ARABA
Gasteiz
Kutxa kalea 7
Tel. 945 123 238
C.P. 01012   Gasteiz
BIZKAIA
Bilbo
Sarrikoalde, 3 behea
Tel. 690 622 598
C.P. 48015   Bilbo 
GIPUZKOA
Hernani
Perkaiztegi Kalea 11/13
Tel: 943 335 900
C.P. 20120  Hernani 
NAFARROA
Iruñea
Nabarreria kalea 15 2º Ezk
Tel: 948 227 054
C.P. 31001  Iruña 
Asistencia Familiares y Amigos
Estado Español
943 335 900
Estado Francés
943 333 061
Coordinación
943 335 044 

  

Casino sites http://gbetting.co.uk/casino with welcome bonuses.