Izan Kuotakide!  Diru Laguntza!  Izan Boluntario!  Etxerat Denda

ALBISTEAK
NOTICIAS
NOUVELLES

Egoera jasanezina etxetik urrun dauden presoentzat eta haien familientzat

ETXERAT (2020-X-5). Konfinamenduen ondorioek eta, Covid-19ko positibo kopuruak direla eta, Estatu espainiarreko espetxeetan komunikazioak murrizteak edo bertan behera uzteak egoera onartezina sortu dute etxetik urrun dauden euskal preso politikoentzat eta haien familientzat.

Azken hilabeteotan Euskal Herritik hain urrun ez dauden espetxeetara egindako lekualdatzeek ez dute galarazten, une honetan, Espainiako estatuan kartzelaratutako EPPK-ko 189 presoetatik 180k urruntze egoeran jarraitzea eta egoera horren ondorioak beraiek eta haien familiek jasatea.

Etxeratek gogorarazi nahi du egoera jasanezin hau hasi zenetik bederatzi hilabete igaro direla dagoeneko. Vis a vis komunikazioak aldi baterako etenda jarraitzen dute eta euskal presoak dauden hogeita hamar espetxe baino gehiagori eragiten die; beraz, denbora guzti honetan noizbehinka baino ez dira egin.

Horrek, bidaia luzeen zailtasunekin batera, familiakoak bisitatzeko aukera ukatu die haurrei, adingabeei eta adineko pertsonei. Baina gauzak okertu dira baita ere barrura begirako komunikazioei dagokienez, adibidez Aranjuezeko espetxeko aitek ezin dute ikusi espetxe barruan haien amekin dauden seme-alabak.

Asteburu honetan Soto del Realeko mintzategiak ere itxi dira, eta horrek bertan preso dauden hiru euskal presoekin edozein komunikazio izatea eragotzi du. Bi familia, dagozkien baimenekin, Villena eta Soto del Realeko espetxeetara joan dira asteburu honetan, atzemandako positiboen ondorioz bisitak bertan behera utzi direla topatuz. Alferrik egindako 1.400 eta 1.000 km-ko bi ibilbide.

Berriro diogu presoak Euskal Herriko espetxeetan egon beharko direla, haien errotze-lekuetatik hurbilen dauden espetxeetan, gero eta ondorio konponezinagoak izaten baitituzte espetxeratuek eta haien familiek.

Etxeratek presoen eskubideen aldeko lana bultzatzeko eta indartzeko deia egin nahi du, antolatutako mobilizazioak babestuz. Egoera honekin eta honen ondorio larriekin bukatzea guztion ardura da.

InprimatuPosta elektronikoa

 

 Cookies Politika  Pribatutasun Politika

 

ARABA
Gasteiz
Kutxa kalea 7
Tel. 945 123 238
C.P. 01012   Gasteiz
BIZKAIA
Bilbo
Sarrikoalde, 3 behea
Tel. 690 622 598
C.P. 48015   Bilbo 
GIPUZKOA
Hernani
Kale Nagusia 1, Erdia
Tel: 943 335 900
C.P. 20120  Hernani 
NAFARROA
Iruñea
Nabarreria kalea 15 2º Ezk
Tel: 948 227 054
C.P. 31001  Iruña 
Asistencia Familiares y Amigos
Estado Español
943 335 900
Estado Francés
943 333 061
Coordinación
943 335 044 
Casino sites http://gbetting.co.uk/casino with welcome bonuses.