Izan Kuotakide!  Diru Laguntza!  Izan Boluntario!  Etxerat Denda

ALBISTEAK
NOTICIAS
NOUVELLES

Estremera, Sevilla eta Cordobako euskal presoek isolamendutik atera dute, zergatik ez Huelvan eta Soton?

ETXERAT (2020-XI-6). Zerbait mugitzen ari da, baina ez behar bezain beste, ezta behar den ausardiarekin ere. Urruntzearekin amaitzeko garaia da, ez da distantzia erdira edo herenera hurbiltzeko garaia, Zaballara eramateko garaia da.

Euskal Herrira ez bada ere, hain urrun ez dauden espetxeetarako lekualdatzeen ildotik, isolamendu-moduluen anakronismoa eta espetxeen barruko sakabanatzea ere arintzen hasi dira.

Duela gutxi, Estremera, Sevilla eta Cordobako presoek Erregimen Itxiko Unitate Bereziak (isolamendua) utzi eta gainerako presoekin moduluetara pasatu dituzte. Hala ere, isolamendutik atera diren preso hauek lehenengo graduan daude. Isolamendua, ordea, indarrean dago Huelvako eta Soto del Realeko espetxeetan.

A Laman eta Jaenen dauden euskal presoak modulu bakar batean bildu dituzte eta beste era bateko taldekatzeak ere izan dira Sevillan, guztiak modulu berean jarri dituztelarik, preso bat izan ezik. 1. eta 2. moduluetan bildu dituzte Puerto III espetxean ere baina euskal preso bat 3. moduluan bakarrik dago.

Hala ere, espetxe gehienetan oraindik ere sakabanatuta daude presoak, espetxe berean zenbait modulutan banatuta. Horren adibide da Kordobako espetxea, presoak isolamendutik atera ondoren bi modulutan bereizi baitituzte, eta egoera berean daude ere Puerto I-n, Granadan, Murtzia II-n, Villenan, Castelló I-n eta Castelló II-n, Zueran, Soto del Realen, Dueñasen eta Mansillan.

Bestalde, emakume askok urteak daramatzate, urrun egoteaz gain, bakarrik espetxeetan, kiderik gabe. Egoera hori bereziki luzatzen ari da Algecirasen, Almerian, Huelvan, Kordoban, Granadan eta Teixeiron.

Emakumeak bakarrik kartzelaratzeaz gain, zenbait gizonezko ere egoera berean daude, hilabeteak edo urteak egoera honetan daramatenak. Hori Cáceresen, Badajozen, Valdemoron, Foncalenten, Teruelen, Ocaña I espetxean gertatzen da eta, laster, Murtzia I espetxean gertatuko da.

33 urteko zigorra eta sufrimendu jarraituarekin amaitzeko garaia da. Bizirik itzultzeko garaia da.

Etxean eta bizirik nahi ditugu!

InprimatuPosta elektronikoa

 

 Cookies Politika  Pribatutasun Politika

 

ARABA
Gasteiz
Kutxa kalea 7
Tel. 945 123 238
C.P. 01012   Gasteiz
BIZKAIA
Bilbo
Sarrikoalde, 3 behea
Tel. 690 622 598
C.P. 48015   Bilbo 
GIPUZKOA
Hernani
Kale Nagusia 1, Erdia
Tel: 943 335 900
C.P. 20120  Hernani 
NAFARROA
Iruñea
Nabarreria kalea 15 2º Ezk
Tel: 948 227 054
C.P. 31001  Iruña 
Asistencia Familiares y Amigos
Estado Español
943 335 900
Estado Francés
943 333 061
Coordinación
943 335 044 
Casino sites http://gbetting.co.uk/casino with welcome bonuses.