Izan Kuotakide!  Diru Laguntza!  Izan Boluntario!  Etxerat Denda

ALBISTEAK
NOTICIAS
NOUVELLES

Etxera lehenbailehen etor daitezen!

argazkia.jpg

ETXERAT (2021-V-1). Sarerekin batera egindako apirilaren azken ostiraleko irakurketa duzue hau, atzo Euskal Herriko plazetan konpartitu zena.

Presoak Euskal Herri ondoko espetxeetara eta, kasu batzuetan, euskal espetxeetara lekualdatzeko erritmo motel eta sumingarriak jarraitzen du. Dinamika horrek amaiera eman beharko lieke 30 urtetik gorako sufrimenduari, urruntzeari eta sakabanatzeari.

Beraz, eszenatoki berri baterantz goaz, presoentzat eta guretzat egoera hobea ezagutzen ari gara, eta hemendik aurrera, euskal gizartearen eta eragile politiko eta sozialen bultzadak fruituak eman eta Espainiako Estatuaren blokeoa apurtzen denean, salbuespenari eusten dioten gainerako neurriei amaiera emateko lanari ekitea planteatzen dugu. Euskal preso politikoei legedi arrunta aplikatzea da eskatzen duguna, etxera lehenbailehen etor daitezen.

Kondena luzeak eta gaixotasun larri eta sendaezinak dituzten 19 presoen eta haien familien sufrimenduarekin amaitu behar da. Mikel Arrieta oreretarraren kasua aipa dezakegu: 21 urte daramatza espetxean eta iaz bete zituen zigorraren ¾-ak. Espetxeetako Idazkaritza Nagusiak iragarri berri du Soriatik Martutenera hurbilduko duela, baina aske utzi beharko luke bere gaitz kroniko larria baldintza egokietan tratatzeko bere ingurukoen ondoan.

Espetxe-politikaren humanizazioari bide eman behar zaio. Joseba Arregi oñatiarrak 75 urte ditu eta 29 urte daramatza espetxean, onartezina da oraindik kalea zapaldu gabe jarraitzea, ezta baimen batekin ere, zigorraren ¾-ak beteta dituenean. Arregik pairatzen duen egoera ondorio konponezinak izaten ari da berarentzat eta bere familiarentzat. 2021ean zehar, zigorren ¾-ak beteta izango duten euskal presoen kopurua 63 izango da. Espetxea uzteko ordua da. Etxera itzultzeko garaia da.

Hilabete honetan bost eta urtebete bete dira, hurrenez hurren, Angel Aldana eta Jesus Ricardo Urteaga euskal deportatu politikoak hil zirenetik. Koldo Zurimendi beste deportatu ohi batek azaldu duenez, bihar berandu izango da deportazioarekin amaitzeko. Deportatuak eta erbesteratuak itzultzeko garaia da. Agustin Azkarate eta Joseba Sarrionandia itzuli ondoren, 33 erbesteratu eta 8 deportatu geratzen dira gaur egun, preskripzio-epeak luzatzeko joko zitalak eta abokatuei informazio juridikoa ukatzeak markatutako linbo batean harrapatuta.

80 udalerritan baino gehiagotan Euskaldunako Akordioa berretsi izana begi onez ikusten dugu. Akordioa EAEko sindikatu guztiek eta gehiengo politikoak abenduan lortu zuten, urruntzeari amaiera emateko eta espetxe politika normalizatua ezartzeko. Era berean, aintzat hartzen ditugu sakabanaketaren testuinguruan onartzen ari diren senideen sufrimendua aitortzeko mozioak. Berriz diogu desberdinen arteko akordioak eta mobilizazioa, maiatzaren 8an Sarek proposatzen duena bezalakoak (EHko 650 menditara igotzea), eskubideen urraketei amaiera emateko eta konponbidean eta bizikidetzan aurrera egiteko tresnak direla.

InprimatuPosta elektronikoa

 

 Cookies Politika  Pribatutasun Politika

 

ARABA
Gasteiz
Kutxa kalea 7
Tel. 945 123 238
C.P. 01012   Gasteiz
BIZKAIA
Bilbo
Sarrikoalde, 3 behea
Tel. 690 622 598
C.P. 48015   Bilbo 
GIPUZKOA
Hernani
Kale Nagusia 1, Erdia
Tel: 943 335 900
C.P. 20120  Hernani 
NAFARROA
Iruñea
Nabarreria kalea 15 2º Ezk
Tel: 948 227 054
C.P. 31001  Iruña 
Asistencia Familiares y Amigos
Estado Español
943 335 900
Estado Francés
943 333 061
Coordinación
943 335 044 
Casino sites http://gbetting.co.uk/casino with welcome bonuses.