Sararen XIX. urteurrena
(2022-XI-29). Sara, harritu egingo zinateke jakitean ez digutela ezer oparitu baina egoera, oro har, hobera aldatu dela. Oraindik bidea dugu egiteko, bai memoriaren eraikuntzan zein bizikidetzaren garapenean. Eta noski, preso, iheslari eta deportatu guztiak Euskal Herrira eta etxera ekarri arte.
Sara Fernandezen omenezko ekimena bihar Iruñean
ETXERAT (2022-XI-28). Sara Fernandez dispertsioaren biktimaren hilketaren XIX. urtemuga betetzen da. Sara kotxe istripu baten ondorioz hil zen Valdemoroko espetxera bidean, lagun bat bisitatzera zihoala.
Emakume presoak etxera! (Azken ostirala)
ETXERAT (2022-XI-25). Beste zazpi dira Euskal Herriko espetxeetara iritsiko direnak egunotan, eta horrek dispertsioaren eta urruntzearen behin betiko amaierara hurbiltzen gaitu.
Xabier Goienetxea presoaren bikoteak kotxe-istripua jasan du Lannemezanetik bueltan
ETXERAT (2022-XI-21). Xabier Goienetxea preso politiko errenteriarraren bikotea den Ihintza Bidartek kotxe-istripua jasan zuen larunbat arratsaldean, Lannemezan espetxetik (Baionatik 170 km) etxerako bidean, bisita egin ondoren.
Gradu erregresioaren eraginez espetxera bueltatu da Joseba Arregi
ETXERAT (2022-XI-21). Tamalez, Martuteneko espetxera bueltatu behar izan da Joseba Arregi preso oñatiarra, Espainiako Auzitegi Nazionaleko (AN) Espetxe Zaintzako Epaitegi Zentralak, Eusko Jaurlaritzako Justizia Sailak preso gipuzkoarrari joan zen otsailan emandako hirugarren graduaren aurka eginik, martxoan hain justu, fiskaltzak jarritako helegitea onartu ondoren. (Argazkia: Noticias de Gipuzkoa)
Egoitz Coto aske geratu da
ETXERAT (2022-XI-15). Egoitz Coto Etxeandia preso politiko barakaldoarra aske geratu da, 20 urteko espetxealdia bete ondoren. Hilaren hasieran baldintzapeko askatasunean geratu zen. Ongi etorri Egoitz! Bat gutxiago!
Egoitz Coto baldintzapeko askatasunean geratu da
ETXERAT (2022-XI-8). Egoitz Coto Etxeandia preso politiko barakaldoarra baldintzapeko askatasunean geratu da, 20 urteko espetxealdia bete ondoren.
Julen Atxurra preso lekeitiarra Zaballara hurbildu dute
ETXERAT (2022-XI-4). Julen Atxurra Egurrola preso lekeitiarra El Duesoko (170 km) espetxetik Zaballako espetxera hurbildu dute.
Karrera, Barbarin eta Vidalen hirugarren graduak errekurritu ditu fiskaltzak
ETXERAT (2022-XI-4). Auzitegi Nazionaleko (AN) Fiskaltzak errekurritu egin ditu Eusko Jaurlaritzako Justizia Zuzendaritzak, Martuteneko tratamendu-batzordeak eskatuta, Asier Karrera Arenzana eta Ainhoa Barbarin Iurrebads presoei emandako hirugarren graduak.
Jon Gurutz Maiza aske geratu da
ETXERAT (2022-XI-4). Jon Gurutz Maiza Artola preso etxarriarra aske geratu da. Martuteneko espetxetik atera berri da zigorra beteta. 72 urte beteko ditu datorren abenduan eta gaixotasun larriak dituzten presoen zerrendan zegoen Maiza.
Eider Perez Martutenera iritsi da eta Bea Etxeberria Zaballara
ETXERAT (2022-IX-2). Bea Etxeberria Caballero preso bilbotarra El Duesoko espetxetik (170 km) Zaballako espetxera hurbildu dute eta Eider Perez Aristizabal errenderiarra Zueratik (245 km) Martutenera ekarri dute.
Bere hirugarren gradua AN-k baliogabetu ostean, Aitor Esnaola espetxera joan da
ETXERAT (2022-XI-2). Aitor Esnaola Dorronsoro preso legorretarra Martuteneko espetxera bueltatu behar izan da gaur arratsaldean, Espainiako Auzitegi Nazionaleko (AN) Espetxe Zaintzako Epaitegi Zentralak, Eusko Jaurlaritzako Justizia Sailak preso gipuzkoarrari emandako hirugarren graduaren aurka fiskaltzak jarritako helegitea onartu ondoren.
Mikel San Argimiro espetxean, AN-k bere hirugarren gradua baliogabetu ostean
ETXERAT (2022-XI-1). Mikel San Argimiro Isasa preso donostiarra Martuteneko espetxera bueltatu behar izan zuen atzo, Espainiako Auzitegi Nazionaleko (AN) Espetxe Zaintzako Epaitegi Zentralak, Eusko Jaurlaritzako Justizia Sailak preso gipuzkoarrari emandako hirugarren graduaren aurka fiskaltzak jarritako helegitea onartu ondoren.
Bittor Franco euskal presoa aske
ETXERAT (2022-XI-1). Bittor Franco Martínez preso politiko barakaldoarra aske geratu da. Basauriko espetxetik atera berri da. 20 urteko zigorra bete egin du. Ongi etorri Bittor! Bat gutxiago!
3.600 pertsonatik gora mobilizatu dira etxera itzultzeko prozesua egin ahal izan dezaten
ETXERAT (2022-X-29). 3.600 (3.616) pertsonatik gora mobilizatu ziren atzo herri eta auzoetan, Sarek eta Etxeratek deituta, hileko azken ostiralean deitzen diren mobilizazioen baitan eta mezu argi bat helarazteko; euskal preso, iheslari eta deportatu guztiek etxera itzultzeko prozesua egin ahal izan dezaten.
Zaballako espetxera bost preso hurbildu dituzte aste honetan eta beste hiru Basaurira
ETXERAT (2022-X-28). Euskal Herriko espetxeetara hulbiduak izan dira aste honetan:
Ugaitz Perez baldintzapeko askatasunean geratu da
ETXERAT (2022-X-21). Ugaitz Perez Sorriketa preso politiko galdakoztarra baldintzapeko askatasunean geratu da, 20 urteko espetxealdia bete ondoren.
Ibon Fernandez Iradi Lannemezanetik Martutenera hurbildu dute
EXTERAT (2022-X-20). Ibon Fernandez Iradi preso lasartearra Lannemezaneko espetxetik (330 km) Martuteneko espetxera hurbildu dute.
Jakes Esnal espetxetik atera da
ETXERAT (2022-X-18). Kalean da Jakes Esnal preso lohizundarra, 32 urte eta erdi espetxean eman ondoren. Gaur goizean atera da Lannemezaneko espetxetik.
Xabier Atristain espetxera itzuli da, AN-k hirugarren gradua baliogabetu ostean
ETXERAT (2022-X-14). Xabier Atristain Gorosabel presoa Martuteneko espetxera bueltatu behar izan da gaur arratsaldean, Espainiako Auzitegi Nazionaleko Espetxe Zaintzako Epaitegi Zentralak, Eusko Jaurlaritzako Justizia Sailak preso donostiarrari emandako hirugarren graduaren aurka fiskaltzak jarritako helegitea onartu ostean.
Karlos Apeztegia euskal presoa aske
ETXERAT (2022-X-14). Karlos Apeztegia Jaka preso politiko hernaniarra aske geratu da. Martuteneko espetxetik atera berri da.
Ion Kepa Parot Mureteko espetxetik atera da
ETXERAT (2022-X-13). 32 urte eta erdi espetxean eman ondoren kalean da Ion Kepa Parot preso baionarra. Mureteko espetxetik atera da gaur goizean.
Bihar Donostian ikusiko dugu elkar
ETXERAT (2022-X-7). Etxeratek bat egingo du bihar Donostian, Sare herritarrak bultzatuta, burutuko den mobilizazioarekin.
"Sakabanaketa amaitzear, baimenen blokeoa dator"; erreportaia "Argia"n
ETXERAT (2022-X-6). "Euskal gizarteak hamaika moldez aldarrikatu du sakabanaketaren amaiera eta, sinistea kostatzen bada ere, kapitulu hori ixtear da. Eta orain zer? Ondorengo lerroetan saiatu gara azaltzen aurrera begira geratzen den panorama". Xabier Letonak "Argia"n idatzitako erreportaia.
U8ko mobilizazioan parte hartzeko deia luzatu diegu Nafarroako herritarrei
ETXERAT (2022-IX-30). Gaurko agerraldi honen bitartez, urriaren 8an Donostian Sarek aurten egingo duen mobilizazio eta jaialdi berezian parte hartzeko deia luzatu nahi diegu Nafarroako herritarrei.
13 euskal presoei dagozkien hirugarren graduak errekurrituta ditu fiskalak
ETXERAT (2022-IX-27). Une honetan, 13 euskal preso politikoei dagozkien hirugarren graduak errekurrituta ditu Ministerio Fiskalak.
Beste 12 euskal preso hurbildu dituzte Euskal Herriko espetxeetara egunotan
ETXERAT (2022-IX-26). 12 preso politiko hurbildu dituzte Euskal Herriko espetxeetara azken egunotan;
Besarkada estua bidaltzen diegu Jakes Esnal, Ion Kepa Parot eta haien senidei
ETXERAT (2022-IX-22). Gure poza adierazi nahi dugu Jakes Esnal eta Ion Kepa Parot euskal preso politikoak baldintzapeko askatasunean gelditu direlako. Besarkada estua helarazi nahi diegu biei eta baita haien senide eta gertukoei ere.
Kinkearen promozioari dagokion zozketaren sari nagusia 5841 zenbakiarentzat da
ETXERAT (2022-IX-21). Urteko hirugarren promozioari dagokion zozketa egin dugu eta 20.000€ ko sari nagusia 5841 zenbakiarentzat da.
Mobiliza gaitezen! Jon, Jakes eta Unai gurekin
ETXERAT (2022-IX-20). Irailaren 22an Ion Parot eta Jakes Esnalen baldintzapeko askatasunen erabakiak emango dituzte. Ion, Jakes eta Unai gurekin!
Deportatu baten senidea izateagatik zokoratu dute berriro ere Bittor Urtiaga
ETXERAT (2022-IX-19). Bittor Urtiaga, Jose Angel Urtiaga deportatu santurtziarraren anaia, ezin izan da Euskal Herrira itzuli La Habanan hartu behar zuen hegazkinean, Estatu Batuetako aire-espazioaren gainetik hegan egitea debekatzen diotelako, euskal deportatu politiko baten anaia izateagatik.
Hiru deportatu politiko ohi Euskal Herrira itzuli dira uda honetan
ETXERAT (2022-IX-15). Hiru euskal deportatu politiko ohi Euskal Herrira itzuli dira uda honetan, hiru hamarkada baino gehiagoko deportazioa pairatu ondoren.
Iratxe Sorzabal lekualdatu dute espainaratu ostean
(2022-IX-9). Iratxe Sorzabal Diaz preso politiko irundarra lekualdatu dute. Reau-ko espetxetik (925 km) Estremerako espetxera (520 km) eraman dute, espainaratu ostean.
Ainhoa Mujika, Alicia Saez de la Cuesta eta Itziar Alberdi, Zaballan
ETXERAT (2022-IX-8). Beste hiru euskal preso politiko hurbildu dituzte Zaballako espetxera:
Iñaki eta Asieren heriotzen XXI. urteurrena
ETXERAT (2022-IX-7). 21 urte betetzen dira Iñaki Saez eibartarra eta Asier Heriz soraluzetarra errepidean hil zirela, dispertsio politikaren eraginez.
13 preso politiko hurbildu dituzte Euskal Herriko espetxeetara azken asteetan
ETXERAT (2022-IX-5). Hauek dira azken asteetan gauzatutako hurbilketak:
Olarra, Aiestaran, Mariñelarena, Karasatorre, Ibai Aiensa eta Iglesias hurbildu dituzte
ETXERAT (2022-VIII-10). Sei euskal preso hurbildu dituzte egunotan:
Itziar Moreno preso bilbotarra lekualdatu dute
ETXERAT (2022-VIII-5). Itziar Moreno Martinez preso politiko bilbotarra lekualdatu dute. Rennes-eko espetxetik (795 km) Alcalako espetxera (445 km) lekualdatu dute, espainaratu ondoren.
Itziar Moreno presoaren lagun batek kotxe-istripua jasan du Rennes-eko bidean
ETXERAT (2022-VIII-1). Rennes-eko espetxean (795 km) preso dagoen Itziar Morenoren lagun batek auto-istripua pairatu zuen, Bilboko presoa bisitatzera zihoala. Istripua joan zen uztailaren 17an eta A83 autobidean gertatu zen, Sainte Hermine izeneko herritik gert
Iñigo Gutierrez Carrillo preso algortarra aske geratu da
ETXERAT (2022-VII-18) Iñigo Gutierrez Carrillo preso algortarra aske geratu da. Zaballako espetxetik atera berri da 14 urteko zigorra bete ondoren.
Azken ostirala; salbuespenezko politikarekin amaitzeko aukera dugu eskuartean
ETXERAT (2022-VI-23). Uda garaian sartu gara eta gogor salatu nahi dugu Ion Kepa Paroten baldintzapeko askatasunaren seigarren eskaeraren aurrean frantziar Estatuaren aldetik agertutako jarrera ankerra, eta Fiskaltza antiterroristak mantentzen duen mendekuan oinarritutako jokamoldea. Garrantzitsua da oso Bakearen Artisauek eta Bake Bidean-ek Ipar Euskal Herrian presoen alde martxan duten dinamika. Bizi osorako zigorra aurkako dinamikaz ari gara eta baita gainontzeko euskal presoen etxeratze prozesuaz ere.
Izaskun Lesaka euskal presoa aske
ETXERAT (2022-VI-13). Izaskun Lesaka Arguelles preso politiko burlatarra baldintzapeko askatasunean geratu da. Ia 10 urteko espetxealdia bete ondoren, Reau sud Francilien-eko espetxetik atera berri da. Baldintzapeko askatasunean geratu ondoren, espainaratu dute. Etxerako bidean dago orain. Ongi etorri Izaskun! Bat gutxiago!
Iruñeko espetxeari eskatzen diogu espetxe-bidea ahalbidetzeko, oztopo izateari uztea
ETXERAT (2022-VI-13). Euskal presoak birgizarteratzeko prozesuan Iruñeko espetxea betetzen ari den zereginari buruzko hausnarketa batek ekarri gaitu gaur hona. Egiaztatu ahal izan dugu Iruñeko espetxea euskal presoek arlo juridikoan eta espetxeen arloan egin beharreko bidea erabat oztopatzen ari den jarrera mantentzen ari dela. Iruñeko espetxeko zuzendaritzari eskatzen diogu espetxe-bidea ahalbidetzeko, oztopo izateari uzteko, euskal presoen eskubideak errespetatzeko eta jarrera proaktiboak izateko.